旅孩法國留學之路 - 訓練耐性的簽證申請

我想大概每一個人都會覺得簽證申請是超級麻煩的事，我都好明白！

我總共來回去了六次領使館，但是我並非是指責，

只是概嘆，未到法國已經需要好好訓練耐性。

當然，某部分都是我自己文件準備得不妥當。

首次，學生簽證需要到文化部，即Campus France面試。

面試後，我帶住根據簽證網頁提供的文件列表準備，

當中只提到return ticket，雖然我明明記得要departure ticket但因為無列明，

所以我無買到，就去左。

當然無departure就申請不到，我就死死地氣再book過。

但我覺得係咪應該打埋個departure 落個list道呀！

第二次，我買了15/8機票，雖然我5/10開學，

但我想去個半月backpack，所以買甘早，

去到佢竟然話太早，唔可以。唔明白點解要甘早去。

travel都唔得，讀法文又要有proof，即場walkin報course都唔得。

甘我當然有問佢買幾時，佢話9月都可以，好，我深呼吸，離開領使館。

第三次，我將機票改了5/9，諗住實無死，

竟然佢重話太早，只可以開學前兩星期，

OMG，點解先，我唔明白喎，

我有朋友28/9開學都批1/9啦，

我真心想發脾氣，之後佢收左我application 先，

之後叫我下午再返去補交改左既機票。好，我忍！

第四次，打電話改左機票，印埋出黎，

我狠下心改了27/9，佢終於俾左receipt 我，十五日後去拎。

第五次，我本來應該四點去拎，點知三點check email個時，

發現佢朝早send個email黎叫我1400-1430去補返fingerprint，

我三點半狗衝到左，補完兩日後去拎。究竟發生咩事，無人話到我知。

第六次，我都估到無甘易，真係搵唔到，

不過好彩，即場整俾我，雖然呆等半小時，

但個學生簽證終於到手！

BTW，呢個簽證認真得來不易呀！！！

Instagram #sashawongmua

FB 一個旅孩

旅孩去檳城遊記 (5) - 特色咖啡店

無論何地，我發現自己都可以發掘出旅行當地的咖啡店，
好像這間毫不起眼，分分鐘我懷疑無人入去的咖啡店，
都有味道不錯的食物和飲品。

空調對熱辣辣的馬來西亞，完全是恩物。
我們正午十二點的時候，進入此處，看看書、寫寫明信片，
我男朋友願意陪我hea時間，so sweet！

呢間CAFE既食物同飲品，都唔錯，
但係我發現左一年事，係佢地既湯面，特別係辣的，
都有一種蕃茄味，而我自己係唔食蕃茄的！！！！
所以，我以後再去都要諗一諗，應該食炒物最安全。

我同我男朋友最喜歡閒逛，可是在馬來西亞熱到不成的這種地方，
最好真是1500先出門，以前的時間留在酒店，游下水，
玩下水上活動會比較好！！

但是閒逛，永遠有驚喜，就是我發現了這個建築，
叫JALAN KEK CHUAN，位於GEORGE TOWN。
外表彩色不在講，一行列的店舖，
都是攝影STUDIO啦，婚紗店啦，自拍館等等，
還有不同的CAFE，我重同我男朋友講，
呢道咁靚，可以開間化妝STUDIO就好了！

最後，我地入了這間PHOTOGRAPHY做主題的CAFE，
老闆好像是外國女人，不知怎的，我直覺覺得她是德國人。
在熱辣辣天氣下，有空調的地方，簡直就是仙境，
入到去，我打量了一會佈置，影了幾幅相。

點了杯芒果沙冰，這個鏡頭杯對我來說好新奇，
當然，我與一個攝影師分享時，佢話佢屋企早有一個，好COMMON！
死啦！我好鄉下啦！
旁邊兩本書係我問左人，檳城最大的書店是什麼，
佢地答我POPULAR，我重心諗唔係大眾呀嘛，
點知真係，但都買到兩本書，都算好彩！

Instagram #sashawongmua
FB - 一個旅孩

旅孩去檳城遊記 (4) - 有些特色

我最喜歡的其中一個馬來西亞的特色，
就是這個惹味的粿條，
價錢只需五元港幣，即可擁有！
美味得令我一連多晚的夜宵都有它！

另外，這個就是我男朋友喜愛的特色，
藍色那盒是在普通超市買的雪茄，
比較粗身那支是在HARD ROCK CAFE購買，
價錢可是大大大不同！

最後最令我驚艷的，絕對是這個KitKat雪糕，
內有原條KitKat朱古力！
最後我男朋友回到香港，還一包一包KitKat捧回家！

旅孩去檳城遊記 (3) - 平價美食全紀錄

今篇主要是講述檳城的平價美食，
上一篇說了HARD ROCK CAFE的食物質素不錯！

現在說一說夜市，這個是一個離我酒店大概二十路程，
但是酒店於晚上有接駁車的，可以搭車到附近下車，
或是乘搭巴士都可以，我同我男朋友都喜歡走路，
因為走了大概十分鐘，就會見到賣東西的夜市，
所以不會太安靜，都頗多不同東西賣。

我總共食了兩個夜市，都是LONG BEACH附近，相鄰的。

第一個不錯，可是有一些食物都是比較中伏。

這個是海蜇，嘩，食了一啖，就放下了筷子，大家懂了吧！

可是冬陰功米粉和冬陰功，都好好味！

第二間，我最喜歡燒物

 另外，大街上的美食，我去了GEORGE TOWN就食了一間十分便宜，
計完港幣10-15的午餐，不需要知道地址，
因為隨便入一間都是這個價錢上下的。

還有一款 到馬來西亞 無可能不吃 肉骨茶，
可是夜市，每次我要吃的時候，都是賣光了！
好彩都吃到一次，還挺好吃的！！

可是，我買了一些湯包回家自製，
都沒有馬來西亞的味道，可惜～

Instagram #sashawongmua
FB page - 一個旅孩

旅孩去檳城遊記 (2) - 住進有個"酒池"的酒店

終於到第二日checkout，可以轉去第二間酒店 - HARD ROCK HOTEL PENANG！滾動～

不過價錢就會比較貴，到底都是四星，大概1100-1200港幣一晚，
我平時去旅行都好少住價錢貴的酒店，但是由於機票太便宜，
所以今次就試下渡假酒店，加上評價不俗！

我入住的房間是海景房，本來想試在泳池旁的房間，
從房間可以直接跳進泳池，可是細想，好像沒有太大私隱，
因為不是私人泳池，加上晚上也會閉池，也沒什麼意思。

















而我所說泳池旁的房間，如下圖 (FROM HARD ROCK OFFICIAL WEBSITE)

我的房間：

今篇，是讚揚這酒店的泳池設計，
就是在泳池中央有一個POOLSIDE BAR！
OMG，我每一天起床就是換上泳衣，下去泳池游水，
*****加飲返杯COCKTAIL或是BEER！

除此之外，更加值得一讚，是COCKTAIL超好飲！
第一日入住時，飲完一杯又一杯，飲得有點醉意，
回房間睡到黃昏，再出外食晚餐，頹廢的一天。

還有，我從不質疑HARD ROCK CAFE的食物，
因為一直都有水準。

可是，我於第二天早上打算叫ROOM SERVICE做早餐，
誰知，勁難食，我以為會同HARD ROCK CAFE一樣水準，
難怪價錢有點不同。不過我無知，下次不會犯！

Instagram #sashawongmua
FB - 一個旅孩

旅孩去檳城遊記 (1) - 充滿曱甴的酒店

旅孩第二篇分享的遊記是 "去檳城"
有絕大多數人，在旅孩要去之前，
就同旅孩講，檳城是十分悶的，請打定輸數，
所以我沒有抱太大期望，最後我的評價是，酒店好好住！(不過唔係以下介紹個間!!)

首先，我是買HK EXPRESS的2蚊機票，連稅連燃起附加費後是650港元，
我沒有加行李，因為我知道我在檳城只會買零食，
因此我就同我男朋友揹住個大背包上路囉！

時間不好，夜機，因此要在機場附近一間酒店先入住一晚，
夜深進去CHECKIN，好恐怖，但係都可接受，
入住後，我男朋友想沖杯茶飲下，點知發現左一隻曱甴係個壺道，OMG！
我去個洗手間，係卷紙巾道有一隻快速移動，嘩！嚇到命都冇！好彩只係住一晚！


呢間酒店就叫"Vistana Penang Bukit Jambul"，
價錢原本400多，我用了AGODA的REFUND就變左280港元倒，算啦！

不過，勝在附近有一個24小時的夜市，都可以食到個晚餐。

同埋，日光日白個時，我發現出面個景都唔錯，可惜有曱甴。
聽人講，當有一隻曱甴係你眼前出現，其實已經有成竇曱甴，
搞到我一直著住對鞋，唔敢除！

Instgram #sashawongmua
FB page 一個旅孩

旅孩到台中

台中，窮x偽文青 路途 (一)

台中，偽文青之旅。根據100毛的《去旅行定位圖》，
我屬於窮x文青，對了，我就是窮x，
我總共用了3600港元(包括幫人買左兩支隔離液個錢XD)，
完成整個四天四夜旅行，連機票住宿飲食。

最近都潮興自己一個人去旅行，
我男朋友話我甘細膽，估唔到發顛自己去旅行，
但係佢講呢句說話時，我重有半年就會自己一個離開香港讀書。

當一個窮x，買到張五百蚊全包既台中來回機票，我唔相信有人會唔去囉!
第一次自己一個去旅行，共處的是一個背包，和AIRBNB個屋主。

一開始，我已經台中真的只可以去清境、日月潭等等，
但是我是一個超級懶惰的人，
加上如果自己一個人住在這些旅遊景點的飯店，我的預算真的不夠。
所以如果要去，就要晨早八點起來去搭車，我每次都11點12點先起來。
不要說，我是一個景點都沒有去。

可是，計算下來，我總共去了x個公園和x個咖啡店和x個藝術館和x個展覽。
舊文連結:
(1) http://women.fanpiece.com/sashawongmakeup/%E6%97%85%E4%BA%BA%E5%8C%96%E5%A6%9D%E5%B8%AB2015%E9%A6%96%E7%AF%87-%E4%B8%80%E5%80%8B%E4%BA%BA%E7%AA%AE%E9%81%8A-2015-new-start-%E6%97%85%E8%A1%8C%E5%A6%9D-c1161551.html
(2) http://women.fanpiece.com/sashawongmakeup/%E6%97%85%E4%BA%BA%E5%8C%96%E5%A6%9D%E5%B8%AB-%E5%81%BD%E6%96%87%E9%9D%92%E4%B8%80%E5%80%8B%E4%BA%BA%E7%AA%AE%E9%81%8A%E7%BE%8E%E8%A1%93%E9%A4%A8-c1161830.html
(3) http://women.fanpiece.com/sashawongmakeup/%E6%97%85%E4%BA%BA%E5%8C%96%E5%A6%9D%E5%B8%AB-%E4%B8%80%E5%80%8B%E4%BA%BA%E7%AA%AE%E9%81%8A%E5%8F%B0%E4%B8%AD%E5%92%96%E5%95%A1%E5%BA%97-%E5%81%BD%E6%96%87%E9%9D%92%E5%A6%9D-lol-c1161990.html
(4) http://women.fanpiece.com/sashawongmakeup/%E6%97%85%E4%BA%BA%E5%8C%96%E5%A6%9D%E5%B8%AB-%E4%B8%80%E5%80%8B%E4%BA%BA%E7%AA%AE%E9%81%8A%E5%8F%B0%E4%B8%AD%E6%9B%B8%E5%BA%97-%E6%97%85%E8%A1%8C%E5%A6%9D-2-lol-c1162380.html

/圖 - 攝自台中 正在漫遊 出發到咖啡店 停下來 欣賞的落葉

Instagram #sashawongmua

FB page 一個旅孩