遠距離的愛情 那天他打給我說

攝自柏林圍牆。

我有一個俄羅斯女同學，她對遠距離的愛情的關係，一直都很感興趣，
有一晚，同學一群去飲野，佢拉住我問左好耐，
點樣同我男朋友維持遠距離的愛情，之後我足足答左佢半個中咁滯。
原來佢話佢以前有同一個法國男人有遠距離的愛情的關係，
不過佢覺得佢個男人重係好幼稚，又冇擔帶。
所以佢放棄左個男人。

不過佢地個遠距離的愛情的關係，都唔係好遠姐。

不過最近，我有一個法國男生朋友，佢同我講佢同佢四年既女朋友分手，
原因佢去了愛爾蘭交流四個月，
之後佢女朋友係聖誕節前一個月用SKYPE同佢講分手，
好似因為黎緊個女仔都要去第道做INTERSHIP做六個月，
大概會有遠距離大概一年。

最後一天在柏林時，我同我個德國女朋友，傾偈。
我同佢講，我想GRAD左之後去多幾個地方。
之後佢話: YOUR LIFE IS YOURS。

有一日，我男朋友錄音黎，
佢話我可以去其他地方，三個月到六個月，
但唔可以再一年，嘩，我收唔到訊息！

愛上 柏林 的天空 Don't Just Fly, Soar Like AN EAGLE!

在旅行的時候，都會同爸爸傾電話，

我們的意念都一樣，

都是覺得旅行比窩在家裡瘋狂溫書，更好。

你看，你看到柏林的天空，也太漂亮了吧！

走出原本你熟悉的地方，看到你不認識的天空，

你會有更多不同的感受，你會覺得天空那麼闊，那麼廣，

好像真係要繼續走，才可以看完這個天空。

有人跟我說，天空如果是變色太西利，

是因為空氣污染，OMG，真心好唔浪漫！

但是看到紫色漸變的天空，我心裡覺得塞得滿滿的興奮。

雖然，我還不知道自己將來的下一步 是怎麼樣，

但是也是蠻期待的！！！

我的天空，希望一直一直都這麼廣闊。

#sashawongmua (#一個旅孩)

Facebook: https://www.facebook.com/wanderingsashawong/

旋轉木馬的樂趣 原來我非不快樂 柏林遊記

雖然，去德國的人不同，不過都是HEA的一個友人，

遲起身的我們，去了食BRUNCH，

我個德國女朋友介紹個間冇開，到28/12先開，

所以隨便入左間。

下午就飲啤酒，應該是正常吧，至少我人生中是正常。

不過，個BRUNCH要星期日先有，所以我地每人叫了自己個MAIN，

我個個意粉好飽，不過好好食。

聖誕市集，一邊就見到三個，有兩個不大，

不過都有放旋轉木馬，感覺好興奮。

另一個，直情就係有一個大既摩天輪呀。

我最中意呢個係旋轉既木偶。

嘩，我地買左啤酒加豬手返屋企，爽YY！

#sashawongmua (#一個旅孩)

Facebook: https://www.facebook.com/wanderingsashawong/

"要有訂企 首先要企硬自己" • 香港地

#真香港地 

節錄... ... 同熱愛這片土地　大家一句到尾... ... 由自己 生與死 也在香港地... ...

RAP: 係得呢個地方出世 就預左係呢個地方道死... ... 

喂講真，#100毛 紅唔係無佢既道理，

至少呢首歌講中唒我既感覺。

呢個香港有好多港豬，

但係

都同樣有我地呢一代，企硬自己個立場，

或者最後會被消失被叫雞被平安，但咁又點，

如果你選擇放棄，你就輸了。@@ 

香港重有希望架，如果我地堅持。
做人，又洗咩理人點睇呀？

琴日，同法文班既同學一齊上堂，
我認識既比利時男同學同兩個法文班既中國女仔同我一組，
放break時我個中國組員想同我示好 話佢個電腦套係香港買，
之後佢個fd(非另一個組員)搭嗲話 "香港現在不是都有很多假貨嗎?" 

我心諗：重唔係因為你地大陸先有咁多假野咩?

完。

 

德國柏林 充滿聖誕現代感的地方 (下)

晚上，同友人去了聖誕市集，

首先，又再食不同小食，

我朋友好喜歡BERLIN的市集，

因為佢覺得好多小品買！

首先，我地永遠會狗衝去買野食先，

但係永遠我都唔明白點解

外國人中意將d雞肉煮到乾爭爭，

重要野野配塊包，真係會飽死架，知無？

以下係我好守法排左好耐隊，俾個班黑人打尖之後買到既野食，食完唔嬲呀!

Sit seeing: 

布蘭登堡門 (Brandenburger Tor) 

最後，亂走，去了一個收一歐門票的聖誕市集，超大，超多東西買。

不過，都有太多人，哈哈，一歐重係中央有表演睇。

這家pizza 好好味，即場睇佢整面糰，重有小麥粉既底，食完重可以食多個呀！

我到而家都重記得，

我朋友每次都話：你排隊買住野食先，我去睇下有咩買，

我：哦！

之後佢返黎就會話：好啦 我已經諗好去邊間買野啦 首先去⋯⋯⋯⋯⋯⋯

#sashawongmua (#一個旅孩)

Facebook: https://www.facebook.com/wanderingsashawong/

德國柏林 充滿聖誕現代感的地方 (上)

25號一大清早，我們搭FLIXBUS從HAMBURG去BERLIN，

歷時三小時，只需11歐羅，快捷又便宜！

一到達車站，就見到聖誕市集，

歐洲的市集，是從很早就開到好晚，

其實同香港行花市的概念，好相似。

坐左三個鐘，梗係覺得好餓啦，
於是，我地就食左好多野。
冇第一時間，飲酒啦我，飲左熱朱古力，不過死甜。

係柏林，住係我一個德國女朋友屋企，
佢真係超SWEET，佢準備左封信同一支酒俾我地！
同佢屋企係真心係市中心，好方便。

#sashawongmua (#一個旅孩)

Facebook: https://www.facebook.com/wanderingsashawong/

德國漢堡 聖誕市集梗有一個係左近 (下)

係Hamburg，真是行兩行，都會見到一個聖誕市集，
呢一日，我們由晏就一點多行到夜晚九點多，
總共行左五個市集，真的是飲了好多HOT WINE，
又食了好多蘑菇，重有不同食物，但我最愛都是蘑菇，
食幾飽，都一直食得下！！

整個城市都是聖誕氣氛呀！！！！好喜歡XD!!!!


#sashawongmu (#一個旅孩)
FB: https://www.facebook.com/wanderingsashawong/

德國漢堡 人生最平靜的平安夜

德國的聖誕傳統是，

廿四號廿五號都會同屋企人食晚餐，

重會廿四號拆埋禮物，佢地唔興boxing day 廿六號。

平安夜呢一日，周圍走走。

樣子好漂亮，但味道好似光酥餅。

唯一一個朝早重開既Christmas Market，食到一個蘑菇，好快樂。

建築物好靚:

中間有去一個好似荷蘭紅燈區既地方，

Hamburg, St. Pauli and Reeperbahn，

朋友介紹的，但我個人覺得好似同遊客區有點分別，有點太刺激。

係Hamburg一路行一路好怕無飯開，

最後係一個火車站不同餐廳買左雜食，度過平安夜，

重點係我地買完，舖頭都開始山，好彩咋。

隔離室友都有請我地飲熱朱古力。謝。

這個晚餐，雖然沒有什麼啦，但是都蠻豐富的，平靜的度過。

#sashawongmua (#一個旅孩)

Facebook: https://www.facebook.com/wanderingsashawong/